Mukhota!!!

Hai Ajeeb cheez ye mukhota,

kar detha hai asli cheez ko bhi khota.

Chupa deta hai yeh dil ke saare haav bhaav,

jo pehenle uska nahi pata chalta hai swabhaav.

Hai badi kaam ki ye vastu,

jo kar sakta hai naakaam koshish ko bhi tathastu.

Na Surat na sirat se jeete hai jo,

Mukhote ke sahaare jam peete hai woh.

Yun toh hazaaro khwaab hai iss dil mein,

Paana chahate hai kaayabi iss manzil mein.

Lekin kayi kaante hai in raasto mein,

Jo chubhte hai hamme har ek kadam pe.

Mukhota in kaato ko hatata hai,

Har manzil ko aasaan banata hai.

Mukhote ko pehen har kisi ko bevakoof banao,

Dekte hi dekhte apni har ek isccha ko paao.

Kya itna pyaara hai hamme ye mukhota,

Ki logo ko chot pahunchane mein nahi hamme dukh hota?

Kyun hum khud ko yun bhool jaate hai,

Maano namak aur chini paani mein ghul jaate hai.

Kya nahi raha hamme kisi pe vishwaas?

Ki nahi kar sakte hum naaye jeevan ka aagaas!!

Kyun ye dil khulne se ghabrata hai,

Logo ko apne gale lagne se katrata hai.

Par itna bura bhi nahi ye mukhota,

Baccha leta hai unko jiske jeevan mein dukh hai hota.

Mil jaate hai unhe dost who hazaar,

Jin ke jeevan mein kabhi nahi tha kisi ka pyaar.

ho jaata hai unki poori zindagi ka beda paar,

aur mil jaati hai khushiya apaar.

Ye saare gham chupaata hai,

Aur kahin na kahin dil se dil milata hai,

Jhoota hi sahi magar thoda pyaar ka ehesaas toh dilaata hai.

Kya itna accha hai ye mukhota,

Ki isko pehenne se koi bhi dukh hi nahi hota?

Yaaro sirf unhi ko pata hai iska ehesaas,

Jisne jaana hai iss mukhote ka raaz.

Deta hai hamme ye khushiya hazaar,

Magar le leta hai hamse ye apno ka pyaar.

Ban jaate hai hum sabke chahite,

Pata nahi chalta hamme khud ki hum nahi rahenge kahin ke.

Jab utarta hai hai muh se ye mukhota,

Har kisi ko sirf dukh hi hai hota.

Lut jaata hai unka saara sansaar ,

ho who dost yaa ho parivaar.

Jisne bhi pehle mukhota banaya tha,

Hassi ke saath aasu bhi dega, ye nahi usne jaana tha.

Rangmanch ka khel bada hi mazzedaar hai,

Sukh, dukh aur tragedy ka bhandaar hai.

Hum sabhi hai iss rangmanch ki katputliya,

Pyaar aur sneh ke badle milti hai hamme sirf gaaliya.

Yaaro isse behetar hai ki hum apne aap ko bachaye,

Aur fir apne aap ko iss maayavi mukhote ke peeche chhupaaye.

Karte hai log shaadi aur nikaalte hai baarat,

Sehre ke roop mein bhi hota hai mukhote ka saath.

Dulhan jab aati hai madap pe ghunghat oodh kar,

Wahan bhi nahi aati hai apne aachal ka mukhota chod kar.

Nayi zindagi ka aaghas bhi hota hai mukhota aaodh kar,

Kafan roopi mukhota pehenkar chale jaate hai log iss duniya ko chhod kar.

Bade kaam ki cheez hai ye mukhota samaj lo aap,

Soch samaj kar istemaal kia toh hai punya warna hai ek paap.

Anth mein sirf yahi kehna chahata hoon,

In saare mukhoto se mein chutkaara paana chahata hoon.

Ek mukhota maine bhi tha pehna,

Ban gaya tha who mere dil ka gehna.

Paaya maine tha sabhi ka pyaar,

Maano mil gaya tha poore duniya ka dulhaar.

Par jab who mukhota mere chehare se utra,

Toot gaya dil ka katra katra.

Doosre mukhoto ne tod diya mera mukhota,

Kyunki mujhe nahi tha pata iss duniya mein kya kya hai hota.

Meri maano ye mukhota kisi ko naa dikhaana,

Ho sake toh isse duniyawalo se chupaana.

Agar haat lag gaya ye doosro ke, le jaayege tumhaari nazro se dur,

Aur fir kar denge mukhote ke saath tumhaare dil ko bhi chur chur.

Pehno ye mukhota iss tarah ki duniya ko na dikhe,

Tummhe dekh kar log sirf achi baate hi seekhe.

Pehno isse uss tarah ki dil ki bhavna kam na ho,

Aur jab tum isse pehno toh kisi ko koi bhi gham na ho.

Pehno ek aisi ka mukhota ki doosro ki sirf khushi hi mile,

Chubhe tumhaare chehare par lekin who aasu kisi ko naa dikhe.

Duniya mein log dein bas tumhaari acchai ki misaal,

Aisa Mukhoota banane ki kosish karo yaar.

Kyunki aisa mukhota kisi baazar main nahi bikta,

Yeh toh sirf aur sirf ache loga ke charitra mein hai dikhta!!

Aisa mukhota tumhaare chehare se koi ukhaad  nahi sakta,

Pehenlo agar tum toh acchai koi tumhaare dil se koi nikaal nahi sakta..

Dosti Bemisaal!!

Doston mujhe tumhaari bohot yaad aati hai,
Tum sabki yaadein muskurahat ke saath aasu bhi le aati hai.
Jabhi yaad karta hoon woh sunehre pal,
khil uthte hai mann ke vriksh mein jaise hazaro fal.
Zindagi ke iss safar mein yaaro ye kavita likhna chahunga 
aur tum sabke baare mein kuch naa kuch batana chahunga

Shuruwat karunga usse jo hai sab se choti aur mujhe yakeen hai ki woh kabhi nahi hogi moti
Shreya hai uss kanya ka naam,
jo khil khila ke hasti hai jaise ho haseen ek sham.
Hai badi natkhat aur chulbuli si,
hai kido magar sabki dil ki kareeb si

Fir baari aati hai Kasturi ki, 
jiski muhrat hai madhuri si.
Yun toh hai bade hi Nakhre uske,
par hai dil ki ekdam saaf maante hai sabhi dost uske.
Uska yun itra ke Awawawaw bolna ,
kar deta hai sabko madhosh yaaro zara sambhalna.
Hai woh hum sabki jaan,
gaye hai hum sabhi maan.

Fir aati hai Namrata ki baari, 
nahi hai woh marathon ki distance se haari
khilkilakar milti hai sabko har pal,
hil jaati hai peeke thodi si daaru magar
Laati hai hum sabke beech ek bilkul naya rang,
sikhaati hai sab ko jeena with ulhaas and umang.

Fir aata hai Gabru jawaan,
pyaar se log jisse bulaate hai Vivan
Yun toh hai woh Chota Gandhi ,
jhagda karke usse uski behen ho jaati hai ekdam gaandi
Karta hai woh Aditi se behad pyaar,
lekin nahi dekh sakta woh football mein apni team ki haar
Hai woh hamaare group ka important hissa,
aur har ek baat pe hota hai iska nayya kissa

Fir aata hai Chinmaya hamara, 
Genius hai ye banda kar dega ek chutki mein solve problem tumhaara.
Hai dikhne mein smart aur dashing,
bachke rehna iss se, warna kar dega shabdo se tumhaari bashing.
Karta hai ye masti hazaar,
iske saath hangout karneka nahi milta hai mauka baar baar
Par milta hai ye jab bhi woh khole apni baahein, 
hum sab ye bol uthte hai 'hey time kiti mast aahe'

Fir aata hai haamare Parth bhaiyya, 
karte hai phd bhaiyyaland pe ye sayyian.
Sabse ajeeb sabse niraala hai ye case,
lekin nahi uske kisi bhi dost ko usse parhez.
Na hi sharam hai na koi hayya hai isme haaye, 
karta hai aisi harkatein only god knows why
Iski har ek masti saraankhon par, 
sabki jaan hai ye from chinchpokli to ghatkopar
Jamti hai mehfil jab bhi hota hai aas paas,
kyunki rakhta hai ye apne dosto ki dil ke behad paas paas
Hai hum sabko ispe naaz, 
hai ye dost ekdam jhakaas

Fir aata hai Param chikna, 
nahi seekha hai usne kabhi rukna
Busy hone ka bahana hai karta, 
pata nahi kahan jaake hai woh marta
Hai woh football ka bada fan, 
Liverpool hai uski jaan,don't you already know it man?
Lawyer bananna tha uski destiny, 
kar sakta hai ye salsa and jive on any symphony
Maara tha maine usko bachpan ek chaanta, 
jab Urjeet ke dad ne tha mujhko daanta
Pilaya usne mujhe daaru jabardasti, 
fisal gayi meri zubaan in masti masti
ye jabhi aata hai bada mazza aata hai,
kyunki aisa dost sabhi ko raas aata hai

Fir aati hai uski baari jisse maante hai log sabse bhaari, 
Nidhi hai uska naam aur hai woh sabki pyaari
Kehne ko toh hai meri behen, 
par har baat chupaati hai mujh se what why and when?
Jab kuch bhi poocho toh kar deti hai Girl talk ka bahana, 
par karti hai wahi baatein doosre ladko se rozaana.
Banaati hai woh khaana laajawab ,
ho woh sandwhich cake ya koi kabaab.
Khila do hamme bhi woh lazzaddar khana, 
kasam se chidhaana band kar doonga rozaana.
Kehte hai usse sab sasti, 
but plz dont mind yaar hai ye just masti ;)
Hai ye bhi hum sab dosto ki jaan, 
aur isse chidhana hi hai hum sabki shaan

Fir baari aati hai of Sohil the Stud, 
feeke hai iski dosti ke saamne Corona,carlsburg aur bud.
Iske baare mein ab kya kahu, 
shuru karunga toh choti pad jaayegi serials of saas bahu.
Par iske baare mein bole bina raha nahi jaata, 
kyunki har roz iske jaisa dost banaya nahi jaata
Awaz hai iski roshesch jaise, 
gaata hai maano tuta radio ho waise
Football mein todta hai ye haddi, 
but fir bhi sabka hai ye favorite buddy.
Maara mere muh pe on bahana of paan, 
bithaya jab kandhe par moota in my kaan.
Patayi usne apni life mein ladkiya hazaar, 
par fir breakoff karke hatayi musibatein bekaar
Shaadi ke naam pe ye saahab hai ghabraate, 
issi bahane se saare meri line lagaate
Ghoomta hai project ke naam par ye saari duniya, 
par aise desho mein jaata hai jahan nahi pata sakta ye woomaniya
Ye hai hum sabke dil ke hai behad kareeb, 
iski dosti mil jaaye toh naa rahe koi bhi dil se garib.

Aakir mein aayi sabse pyaare couple ki baari, 
jodi hai jaise raja aur raani.
Aa raha hai unko ek nanha raajkumaar, 
Urjeet aur Niki ko hum sab se dher saara pyaar.
Ya fir hogi woh nanhi si raajkumaari? 
Raj karegi woh duniya pe saari.
Urjeet hai hamara bamboo bhai, 
Labmba,chauda,giant sa haaye
Hai woh genius computer ka, 
karega illaj marizo ka.
Jo bhi karre woh banda hai woh kamaal, 
jo bhi ho,karega woh dhamaal
Bachpan se hi tha sabka bada bhai, 
shaadi karne ki thi isko ghaai.
Acha hua tunne shaadi ki bhai, 
iss bahane ek pyaari si bhabhi toh aayi.
Niki ko paakar Urjeet dhanya ho gaya,
maano uska poora jeevan safal ho gaya.
hamme bhi bhabhi ke roop mein ek acha dost mil gaya, 
maano jaise hamara adhura group poora ho gaya.
Karti hai mujhse jaldi shaadi karne ki request, 
but mein kehta hoon jab milegi aap jaisi tabhi khatam hogi meri quest.

Ye saari hi yaadein hai mere liye behad khaas, 
bas hoti hai tum sab se milne ki aas.
Tum sab ki dosti pe hoon yaaron mein kurbaan, 
nahi doonga tumhe agar maang bhi le bhagwaan
Tum sabki wajah se jeevan lagta hai poora,
agar kal ko marr bhi jau toh bhi nahi lagega kuch bhi adhura.
Aao jaldi se karte hai masti, mazzak aur dhamaal, 
yaaro kuch bhi bolo tum sab ho ekdam Bemisaal.